跳到主要內容

常見問題

鍊星 Ladder to Star 係乜嘢?
一個 DSE 歷史科答題技巧練習平台。你可以學史實、練拆題、跟框架寫段落同成篇答案,每次作答都即時有評語。
收費係點?
頭 30 位創始會員免費用 Plus 到 2027 年 5 月 31 日,之後續訂一直有七折,直到考完自己嗰屆 DSE。其他同學有 14 日免費 Plus,之後可以繼續用免費版(即時評語無限次),或者訂月費計劃,一個月平過一堂補習。唔會自動扣錢。
創始會員同普通會員有乜分別?
創始會員只限頭 30 位學生:Plus 免費用到 2027 年 5 月 31 日,之後續訂月費七折,直到考完自己嗰屆 DSE;中途停訂就冇咗呢個優惠。滿額之後加入嘅同學有 14 日免費 Plus。
DSE 歷史「多大程度」題點答?
一開始就清楚講出程度(例如「很大程度上」),再正反兩面比較,講明你用乜準則判斷,解釋點解係呢個程度,史例要涵蓋題目嘅整個時間範圍,結論同開頭立場一致。喺鍊星可以逐步練呢幾步,寫完即時知道漏咗邊步。
冇補習,可唔可以自己練好 DSE 歷史答題?
可以。鍊星由拆題開始,一步一步帶你寫到成段、成篇,每次作答即時有評語,話你知邊度做得好、邊度要補。想再深入,可以用 AI 詳細評語或者搵老師批改。
我係補習導師,點樣用鍊星?
開一個導師空間:學生用你嘅邀請碼加入,你有自己嘅批改隊列、批改代碼同導師名錄頁面。創始導師只限 5 位:導師空間 S 頭 3 個月免費,之後 12 個月半價,仲有永久「創始導師」徽章。唔抽佣,學生直接搵你、直接俾學費。你上載嘅教材版權永遠屬於你。
有冇英文版?
有。介面同練習都有中、英文版本,適合用英文應考 DSE 歷史嘅同學。
支援邊個課程?
現行課程同 2030 年起嘅新課程都有。開始時揀你應考嘅版本就得。
即時評語準唔準?
即時評語檢查答案有冇扣題、有冇齊答題步驟、有冇常見錯誤,但唔會俾分數。想要詳細評語,可以用 AI 詳細評語或者搵老師批改。
我嘅資料安全嗎?
我哋只收集最少嘅個人資料,冇公開個人檔案,冇廣告,唔會出售資料。手寫答案相片 90 日後會刪除。
會唔會取代補習?
鍊星幫你喺堂與堂之間、喺任何時間練技巧。有導師嘅同學可以一齊用;冇補習嘅同學都可以自己一步一步練。
使唔使下載 app?
唔使。用瀏覽器打開就得,可以「加到主畫面」當 app 咁用。